Душан Петровски 26.08.2017

Животот на буржуазијата („ловците“) потраја докај 1993-4 година, ама тоа беше производ на умешноста на буржуазијата да се снаоѓа и да печали, а не по желба на Службата. Но, буржуазите беа малку на број, а пролетерите—т.е. соработниците, оперативните, пријателските, и деловните врски и службените работници—бајаги повеќе. Изборниот фалсификат во 1994 година ѝ ја искина главата на буржузијата: на некои им ги скршија главите, на некои срцата, а на некои, кичмите. Заедничко е што кон сите се пристапи со обвинението дека биле бугараши. Не јавно, туку скришно. Толку скришно, што ни самите не знаеле дека биле бугараши—а бугараштвото било всушност желба за припојување кон Москва! Ги издавало тоа што биле за слободна независна буржуаска, па ако може—ама без војна—и обединета Македонија.

Првата седница на плуралистичкото Собрание на (Социјалистичка) Република Македонија беше обесчестено од човекот кој подоцна, поради тоа што ќе стане едниствениот политичар кој доживеал да ѝ биде и премиер и претседател, ќе се круниса како „Државник“. Колку да не заборавиме, неговото претходно занимање беше незапослен инжелер. Оти бил пред времето. Бил инжелер по кљомпутери, на време кога во Македонија сите компјутери можеа да се избројат на шака. Освен оние на Службата. Таа секогаш била пред времето. Југославија можеби имала, а можеби и немала Свемирска Програма со цел да туриме Тробојка на Месечината, ама дефинитивно била на браникот на напредокот во телекомуникациската технологија. Од државно издадени документи знаеме дека Службата се служела со средства за тајно снимање на телефонски разговори и за далечинско прислушкување уште од четириесетитите и педесетите години на минатиот век!! Колку за референца, проверете колку ВеЦе шољи имало тогаш во Македонија. Патем, спроведувањето на полициската држава, односно неуморното делување на Службата, било неопходно поради тоа што имало „незадоволници,“ односно Ванчомихајловисти—„бугараши“ кои биле за слободна независна обединета и буржуаска Македонија, ама истовремено и проруска.

Државникот—невработен инжелер, Второто доаѓање на Калигула, според легендата на Службата, ги повампири Комунистите и ги прекрсти во Социјал-демократи, и на тој начин ги покажа за она што навистина се: зависници на дрогата наречена меѓународни заеми и неповратни грантови на ЕУ и САД. Во славните зборови на Берни Сандерс: „Не је социјализам, другови! Демократски социјализам је. Јебига, има разлика.“ А за да биде демократски социјалзмот, а не научен или технократски, треба да има барем две „партии“ кои ќе се менуваат на вртелешката наречена власт. Туку залетавме многу далеку, ВМРО-ДПМНЕ не беше спремна за учествување во државната власт во раните денови на незавнисноста, која тие ја донесоа како идеја—но која сѐ повеќе изгледа дека била инсинуирана од Службата—бидејќи беше полна од непацифизирани незадоволници.

Првото Собрание, и временскиот период со кое се поклопува, беше сцената на многу други обесчестувања на македонската совест и душа. Тука беа пред сѐ пљачките поврзани со поделбата на власта помеѓу ВМРО-ДПМНЕ, СКМ-ПДП и Реформистите на Андов. И во 1990-91 и во 1992 година. Да не одиме на долго и широко, само ќе се присетиме дека ВМРО-ДПМНЕ победи на изборите во 1990 година, а како партија, не учествуваше во власта ниту еден ден. Да не заборавиме, Комунистите си беа Великосрби и во времето на Гошев! ВМРО беше пуштено да оди на избори, не за да владее доколку тоа биде резлутат на гласањето, туку Службата да си ја олесни работата: да им дозволи на незадоволниците—пардон, „русо-бугарашите“ сами да си излезат на јаве без таа да ги бара под дрво и под камен. Башка, како што рековме, најчесто кога си бугараш, ни самиот не си свесен за тоа!

Првото Собрание, во кое ВМРО имаше најмногу пратеници, но немаше мнозинство, одбиваше да постапи по Илинденскиот устав на НРМ (1944 година) и да ја отцепи Македонија од Југославија сѐ докај почетоткот на 1992 година. Истовремено му подметна на народот и Референдум којшто немаше врска со раскинување на постојниот сојуз со Југославија—но којшто ќе биде употребен како куршумот со којшто ќе се истреби македонската држава засекогаш. Првото Собрание беше и сцената на она што историски треба да се обележи како Првата Велика Антиквизација—момент чиишто реперкусии се чувствуваат до денешен ден—со воспоставувањето на вештачката врска помеѓу Славо-христијанска Македонија и Хеленската култура, и презенитрањето на Sвездата од Вергина и „статерот“—валутата на Македонското кралство од антиката—како државни симболи. Кога Грците нѐ фатија како им ја крадеме историјата, нѐ повикаа јавно и кога нѐ натераа да го смениме бајракот, наместо да црпнеме во својата историја и гордо да ги почестиме неколкуте генерации што ги дале своите животи за ние да бидеме слободни—Комитите— државата реши сепак Sвездата од Вергина да остане главен мотиф и на далеку погрдата FYROMска застава. 

Но, срамниот грабеж на туѓото беше направен со многу посуптилна цел од наводната. Со поврзувањето на денешна Македонија со големиот освојувач Алксандар Велики беше инсинуирано дека тоа е обид за влевање на самодоверба во душите на инкомплексираните македонски граѓани. Напротив, прогласувањето на државните симболи беше следниот момент на обесчестувањето на честа на македонскиот народ. Тогаш „големите ВМРОвци“ околу Кљусев ја воспоставија врската помеѓу Република Македонија и тиранското кластво на Александар Велики, со цел да се обегне поврзувањето на новата Република—какво, такво олицетворение на идеалот на ВМРО, остварен благодарение на партија која ги носи светите букви и нејзиниот идеал во своето име—со нејзината вистинска историја поврзана со заложбата на бугарашката Внатрешната македонска револуционерна организација за демократска македонска држава на како република на рамноправни граѓани. Оваа романтична борба која не успева да ги придобие симпатиите на македонските официјални историчари и креатори на јавното мнение, усепала да ги понесе срцата на европејските поети, новелисти, журналисти, и дипломати во втората половина на деветнаесетиот и првата половина на дваесеттиот век—покрај другото поради публицитетот што Македонското прашање го добило на Западот како резултат на Илинденското востание. Паролата „Македонија на Македонците“ прв пат била искажана не од Гоце Делчев или Никола Карев, туку од британскиот државник Вилијам Гладстон.

Одлуката Републиката да се поврзе со античкото македонско Кралство од пред дваесет и кусур века а не со борбата за независна македонска република од истиот век, ѝ дозволи на Грција да ја има „горната рака“ во меѓународните односи со Македонија, целосно заборавајќи го геноцидот врз македонските Бугари за време на Балканските војни. FYROMската држава, останувајќи верна на великосрпските интереси, и повикувајќи се на дубиозните врски со Александар Велики се откажува од бугарашкото минато на својот народ. Не треба да е чудно, тогаш, што овогодишниот Илинден, проследен со потпишувањето на Договорот за добрососедство со Бугарија, можат да се обележат како нов зенит во другарувањето на македонската држава со мизеријата. „Добрососедството“ со Бугарија не го рехабилитира антикомунистот и борец против српскиот хегемонизам Михајлов и сите оние чиишто животи биле и сѐуште се уништуваат по обвинението за Ванчномихајловизам.

Летово е ноторна пресвртница и во мојот живот. Летово моите години живот во Македонија, и годините надвор од неа се изедначуваат. Јас ја плаќам казната на наследениот грев од мојот татко, којшто е екскомунициран од мајчиното му племе заради неговите херетички држења—пракса којашто редовно се ползува во секоја култна секта. Мене нема да ме чуете да ве учам „Маќедонија ми да ја чувате.“ Големи сте, си знаете што правите. Јас само сакам да ви дадам насока за тоа каде да го барате ‘ркулецот на проблемот на македонската држава: фактот дека таа е предодредена да пропадне. Не е случајно што работите во Македонија денес очигледно не се подобрени ниту за иота споредено со државата која ја напуштив пред седумнаесет лета. Дури се чини дека работите се на полошо, токму онака како што ги сака мизеријата, но и нејзиниот омилен ортак, Великосрпската амбиција. Како лична утеха си го земам фактот што јас и моето семејство не учествуваме во механизмот што ја спроведува мизеријата („животот“) во Македонија. Но, тоа е всушност и причината за нашата екскомуникација од племето. Гревот на моето семејство е македонското прашање во точка: ние одбивме и продолжуваме да одбиваме да учествуваме кон остварувањето на целта на владеачката гарнитура Македонија да ја прави Северна Кореа на Балканите и населението да го држи на работ на гладот.

На Македонецот не му се потребни повеќе лажни врски со митолошки битија—ниту пак „успаванки“ за мед и млеко (Данска). Напротив, потребна му врска со реалноста: со својата борба за опстанок. На Македонецот му е потребна самодисциплина и откажување од дрогата наречена питачки стап (ММФ, Светска банка, Еврообврзница). Тоа е едниствениот начин на раскинувањето на врската со мизеријата и осуетувањето на преодредената судбина државата да пропадне.

 Јордан Петровски 22.08.2017

Героски:


За помладите, кои можеби не се сеќаваат, да потсетам- одлуката на Македонија во 1995 година дефинитивно да ја пресече папочната врвца со Милошевиќева Србија (врвцата тогаш беше шверц на нафта и кршење на санкциите кон режимот на вождот), претседателот Киро Глигоров за малку ќе ја платеше со главата.

Героски прави една висикостручна манипулација. Имено причината за атентатот која ја навел Героски,  барање на Глигоров за ПРЕКИН НА ШВЕРЦОТ, е точна, но манипулацијата е во тоа кој швец да се прекине!! Кога е извршен атентатот врз Глигорoв, октомви 1995 година, Милошевиќ по поразот во Хтватска веке бил свесен дека е поразен а тоа значи и крај на војната и со тоа крај на ембаргото. Ако  Милошевиќ знаел дека ембаргото ке се укине, немал зошто да бара од Глигоров да продолжи шверцот на нафта и кршење на ембаргото. Милошевиќ барал да ПРОДОЛЖИ ШВЕЦОТ НА ЦИГАРИ, главниот извор на пари со кои се финaнсира во тоа време СЛУЖБАТА!! 

Еве  едно мое мислења во врска со атентатот на Глигоров

Атентатот на Глигоров е сврзан со атенатите на Бокан, Треф, Баџа....
Инсистирањето на Глигоров шверцот на цигари да престане односно Македонија да биде иземена од рутата на швецот е мотивот за атентатот. Состанокот ден пред атентато со Милошевиќ имал за цел да го омекне ставот на Глигоров за прекин на шверцот.

Две прашање Героски испровоцирани од изјавата на сегашниот министер на полиција Оливер Спасовски која гласи: УБК била главната алатка за криминалот на Груевски и на Мијалков 

 
 -колку луѓе кои тогаш биле на високи функции во МВР, УБК сега се пак на високи позиции во МВР, во УБК, во екипата на Заев како советници, подготвувачи на закони
 -дали и во времето на Глигоров 1991-1999 година  МВР/УБК била главна алатка за шверц на нафта, цигари односно кршење на санкциите


 

 

 Јордан Петровски 21.08.2017

Читам „хвалоспеви“ за „македонските служби“:

Повлекување на персоналот на српската амбасада покажува дека нашите македонски служби почнале ИЗВОНРЕДНО да си ја вршат работата!

Дали има место за „хвалоспеви“ ако се знае дека скоро за сите тие кои работат во СЛУЖБИТЕ, Србија има компромитирачки материјали?! Како на пример, дека за сиве овие 28/9 години тие работеле за интересите на Србија. Да размислиме трезвено како е можно луѓе кои Србија ги има во рака да работат така наеднаш против интересите на Србија! Да размислиме зошто Србија ако навистина и се загрозени интересите во Македонија молчи! Молчи и не споменува дека ако македонските власти ја пречекорат црвената линија која ја замислиле Србите ке објави докази кои луѓе работеле за нив и што работеле за нив. Доволно ке биде Србија само да спомене дека ќе го објават списокот кого се ангажирал сега покојниот Јаначковиќ и на кои задачи, па во Македонија да настане хаос. Ама Србија не го прави тоа. ЗОШТО? Зар треба многу ум и разум да се согледа она што и „слепите“ го гледаат, дека сево ова е представа за лековерните и наивните. За оние кои сеуште веруваат дека УДБа, КОС и СИД се одамна мртви а и дека тие никогаш во Македонија не работеле за Српски интереси, за оние кои несакаат да ги видат аргатите на Србија сега пресвлечени во руво на антисрби од прв заврс, антисрби на чија антисрпштина би позавидел и самиот Ванчо Михајлов дека се само перачи на мозок по налог на СЛУЖБАТА. Ако се подсетат дека тие денешни антисрби вчреа беа антибугари, дека тие денешни антисрби и поборници за влез во НАТО и ЕУ до вчера правеа се да ги убедат граѓаните на Македонија дека НАТО и ЕУ се зандани за Македонците! Дека Бугарите се најголемите злосторници!! Пред нас се изведува Орвелско менување на реалноста!

Но има уште еден феномен најгласните во анисрпската хистерија се оние кои до вчера беа најголеми подржувачи на Србија, оние кои неможеа да смислат Самостојна Македонска држава. 

пс. многумина ке кажат дека фотографијата која сум ја прикачил со текстот нема ништо заедничко со текстот, фотографијата е за Тито, Југославија ... па побарајте одговор  зошто Србите  „КУЌАТА НА  ЦВЕЌЕТО“  ја чуват сеуште во Белград. Нели Тито на Србите и Србија им нанел најголемо зло !!

 

 

 

Злате Мирчевски 16.08.2017

Се вжешти битката внатрепартиска во ВМРО-ДПМНЕ. Од една страна има реформатори,членови на ВМРО-ДПМНЕ кој бараат измени во партискиот статут кој му дава на лидерот на партијата целосна моќ, букавлно му овозможува да прави што сака, решава, разрешува, дисциплинира итн а пак од друга страна има узурпатори во врвот на партијата кој се кријат зад името ВМРО и десна демохристијанска идеологија и се ова во овие 14 години откако лидер на партијата е Никола Груевски успешно го прават.

За овие 14 години низ партијата продефилираа еден куп комунисти, социјалисти, либералдемократи чиста клиентела за лични и лукративни интереси. Во прилог на ова што го пишувам е и последниот предлог за Ген-Сек на партијата Христијан Мицкоски кој на крај се покажа дека бил член и на ЛДП. А да не пишувам воопшто за новиот И.К, глава ги фркна старите партиски членови. Е ај што врвот на партија е пред С.Ј.О, ајде ете, до сега во Македонија нема партија која владеела а не се огрешиле нејзини членови кои биле на раководни позиции гледајќи го медот на тацна државен, ете сите грешеле ама и сите партии на власт си ставале свој Зврелвски кој ќе ги штити а правдата ќе биде селективна, ама пак од каде идејата курсот идеолошки на партијата целосно да го свртат во ЛЕВО. Русија им стана ѕвезда водилка, Путин им стана ЕЛ-НАЦИОНАЛЕ, на дечките од УМС ринг-тон песни им се хитовите на Цеца и Карлеуша, НАТО организацијата им стана фашистичко друштво, демек дури постоеше Варшавскиот (руски) Пакт ,демек овие беа Грин-Пис, врвна светска демократија, си памтат убаво во Унгарија и тогашната Чехословачка а и во останатите земји членки на тој пакт колку им беше ,,убаво‘‘. Ама забораваат дека ние Македонија бара да се придружиме во НАТО и  ЕУ.

Зошто сегашново раководство на ВМРО-ДПМНЕ не го послуша ,,гласот на нивниот народ,, и не ги повлече барањата за членување таму ? Одеа во Брисел на ,,баци рака,, а овде нивните мегафони го инструираа ,,нивниот народ,, да плукаат по се што доаѓа од запад. Нејсе, за гревовите на ова раководство на ВМРО-ДПМНЕ има уште многу да се пишува, впрочем 11 години да си на власт па неможе да не оставиш било какви траги зад себе. Ако продолжам со пишување, се плашам со овој мој ,,бестселер,, за раководството на ВМРО-ДПМНЕ дека ќе ме стават за директор на С.В.П на местото на Дарко Лешоски. Малку шега од моја страна, се извинувам. Реформаторите се полетни момци, членови на ВМРО-ДПМНЕ, како членови на партија која го има она ,,Д,, во името на партија-ДЕМОКРАТСКА, не прават грев во име на демократијата. Се борат со сите демократски средства што ги имаат на располагање да ја ДОдемократизираат својата партија. Центарот на моќ од врвот на партијата да се префрли кај најниските партиски ешалони, кај обичниот член на партија, на обичниот член на партијата да му се даде шанса да си го одбере оној во своето место на живеење за кој мисли дека најдобро ќе ги преставува во највискиот законодавен дом, Македонски Парламент и оној за кој мисли дека најдобро ќе сработи за неговата општина, дали како советник дали како градоначалник. Бараат само измени во статутот партиски. Од демократска гледна точка, момци ама ГРЕВ НИКАКОВ ОВДЕ НЕМАТЕ!!, згора на се, не се закануваат ако не успеат дека ке прават нова партија  и така пак по старата УДБАШКА пракса ке настане уште едно ВМРО , ВМРО кое ке откине некоја илјадарка гласачи. Оној кој ќе ви се спротивстави а патем ќе каже дека и е голем демократ, советувајтего и кажетему ја дефиницијата на Абрахам Линколн што е ДЕМОКРАТИЈА ? А според Абрахам Линколн демократија е ,,УПРАВУВАЊЕ НА НАРОДОТ ,ОД НАРОДОТ И ЗА НАРОДОТ,, а не управување од еден центар на мојќ и од еден човек.

 

НОВАТВ дознава од извор во полицијата дека:

 Дел од истагата е и утврдување на мотивите за користење на овие снимки, но и начинот на кои овие сензитивни материјали дошле до ова лице.

Палевски не влегол сам кај Заев или пак во СЈО и ги зел материјалите некој или му помагал или му гу дал материјалите. Кој е тој, СЈО вели дека утврдила на кој начин Палевски дошол до снимките!! зошто и тој или тие не се приведени. нивното неприведување кај мене остава место за шпекулација дека мотивот за приведување на Палевски лежи на друго место, лежи во критичкиот однос на Палевски кон Заев и неговиот начин на водење на СДСМ и сега на владата. 

Виктор Трифуновски 27.07.2017

Има ли подволична работа од тоа, СДСМ како јавно деклариран наследник на Сојуз на Комунисти на Југославија, денес да прифати историја (или барем да разговара за нејзино прифаќање) според која, доаѓањето на Третиот Рајх во Македонија, во Април 1941, бил наводно „ослободување“?

Неемааа, нееема ... ;)

Шегата на страна, ама кога еднаш ќе ги релативизирате злосторствата на еден тоталитарен систем, што не би ги релативизирале и оние на другите тоталитаризми? Од распадот на Југославија, па наваму, почитувачите на Југославија и на делото на Броз, постојано повторуваа една теза која оди приближно вака:„Што ми е гајле што правеле комунистите по војната, важно јас сум живеел убаво“.

Согласно ваквата етички и морално катастрофална логика, сите жртви на комунизмот, посебно оние невините, се прогласени за некаков вид „колатерална штета“ чие ритуално жртвување (демек, во името на народот) као донело мир и конечна благосостојба. Освен што е ова историска невистина (парите од Запад СФРЈ ги добивала од сосема други причини) прво ми паѓа на ум прашањето: Луѓето кои оправдуваат вакво газење врз лешеви, со кое бре лице ја криват Америка за судбината на индијанците и црнците? Ова прашање ми е моментално помалку важно, поважно е нешто друго...

Струмичките студенти стрелани во 1951 година, поради политичка идеа, ни од далеку ја немаат заслужената почит како невините жртви во Ваташа...исто стрелани поради политичка идеа. Со години, па и децении наназад, во ѓомити слободна и демократска Македонија, злосторствата на комунизмот беа прогласувани за „реваншизам“ „непотребно цепидлачење“ па дури и за симпатии кон фашизмот.

И сега ѓаволот дојде по своето, па ако можела инсталацијата на комунизмот 1944/45 да биде „ослободување“ зошто не би бил и фашизмот инсталиран во Април 1941? Ако можеле струмичките студенти (и сите други како нив) да бидат жртвена стока за добивање на државни станови, феријални одмори на „наше море“ и останата државна милостиња ...тогаш и судбината на младинците во Ваташа може да биде префарбана на ист начин, бидејки нели... не чека бааги милостиња од Брисел?

Кога еднаш ќе прфатиш тоталитаризам како начин на размислување и општествена пракса, кога еднаш ќе поверуваш во идеален и совршен систем, кој почива врз погрешна етика и морал...тогаш тешко да избегаш од таквиот тоталитарен лавиринт, кој на двата краја завршува со мизерија или смрт (во зависност од вашата лојалност). Поготово доколку упорно го отфрлуваш фактот, дека капитализмот е единствениот душман на двата овие системи, со образложение дека е несовршен...тогаш остануваш во вечна транзиција, која само повремено ги менува режимите.

Разумите луѓе, и во Македонија, и во Бугарија, нека се бројат и на прсти, би требало да реагираат приближно на ваков начин:

„Не постои никаков договор за добрососедство, туку уцена врз Македонија, од која обичниот бугарин не добива...амам баш ништо. Македонија не е ослободена ниту во 1941, ниту во 1944/45. Слободна Македонија е идеал кој не постоел никогаш, а кој може да го одработат само нејзините граѓани, со инсталирање на класичен, див, нерегулиран, лесе-фер капитализм во кој економските односи и активности, и говорот, се ослободени од БИЛО какви закони, од било какви регулативи или ограничувања на извршната или локалната власт.

Слободно општетво, подразбира неограничено слободно располагање со сопствениот живот, тело, мисла и имот...освен доколку истото физички не загрозува друг човек. Се што треба да прави легитимната Власт, е обезбедување на правен систем, за мирољубиво решавање на споровите меѓу луѓето, полиција за спречување на меѓусебното насилство, и армија за спречување на евентуална надворешна агресија.

Сите други човекови потреби му се оставени на пазарот, каде неограничената конкуренција притиска кон пониски цени, и повисок квалитет.“

Само во такво општество, обичните луѓе можат да дојдат до приближно заеднички и објективен заклучок, за сите будалаштини на сатрапите кои не воделе...и сешуте не водат. Само со вакво општество се прави висок животен стандард, без дудлање по бриселските ходници, без самопонижување со секакви „добрососедски“ тртења. Се друго, освен набројаните принципи, е мал или голем чекор кој не движи кон тоталитарната темница, кој не држи во мизерија. Или еве да звучи пооптимистички...не движи кон некакво милосрдие, ама преку бројни понижувања, и не дај боже лешеви.

Секоја идеа, БАРЕМ МАЛКУ да се регулираат економските активности, БАРЕМ МАЛКУ да се одвои за училишта, градинки, незнам ти што...секоја идеа БАРЕМ МАЛКУ да се регулира говорот, трговијата, движњето на капитал... представуваат чекори кон тоталитаризам. Кога еднаш ќе им дозволите на политичарите да кршат слободи, тие НИКОГАШ нема да сопрат...се додека не ве однесат во тотална темница...и дури и тогаш, кога ќе завладее комплетна мизерија, за неуспехот на нивниот систем ја обвинуваат „човековата природа“ демек луѓето не биле толку софистицирани, колку што била нивната идеа. Всушност, таквите луѓе се во војна со човековата природа, и затоа се насилни.

Драга Македонијо, Среќна ти Нова 1941 година. Јас немам никаква причина за радост, ниту сега, ниту доколку повторно се врати 1944/45.

Анкета на „Maкфакс“: 79 отсто од поддржувачите и симпатизерите се за реформи во ВМРО-ДПМНЕ



[Image: reforma-ne-vmro.jpg]

26.07.2017
Четворица од пет поддржувачи на ВМРО-ДПМНЕ или 79 отсто од поддржувачите и симпатизерите на партијата се согласуваат со тврдењето дека во опозициската партија се потребни реформи, покажа најновата анекта на агенцијата „Рејтинг“, изработена за „Макфакс“.
На прашањето колку се согласувате со тврдењето дека во ВМРО-ДПМНЕ се потребни реформи, високи 79,3 отсто од испитаницитге се согласуваат, а 18,2 отсто не се согласуваат.

[Image: %5E8848FD20771F3BAF6CF61CD4717FE67A36C85..._distr.jpg]

На прашањето дали ВМРО-ДПМНЕ може да се врати на власт со или без внатрепартиски реформи, резултатите покажуваат дека 42,1 отсто од оние што сметаат дека во партијата се потребни реформи исто така сметаат и дека без нив е невозможно ВМРО-ДПМНЕ да се врати на власт. Речиси ист процент, односно 43,3 отсто, сметаат дека ВМРО-ДПМНЕ може да се врати на власт и без реформи, иако веруваат дека и покрај тоа реформи се потребни.
[Image: %5EA9F5DF123F686D75EC4611BB646FA069B8BF6..._distr.jpg]

Дури 75,1 отсто од анкетираните сметаат дека во партијата се потребни поголема слобода на говорот и демократизација, a 59 отсто сметаат дека во партијата сите важни одлуки ги носат неколкумина во врвот. Дополнително, 44,9 отсто од анкетираните изјавиле дека е потребна реформа во партијата, со која ќе му се намали моќта на лидерот сам да одлучува за важни прашања.


[Image: %5E433E55ABA629E0E70F2E75DC29FF5EE4E2A4E..._distr.jpg]

Сите овие податоци водат кон заклучок дека повеќето од поддржувачите на партијата имаат проблем со односот на актуелното раководство и веруваат дека е потребна демократизација на партијата. Во услови на вакви ставови јасно е дека постои сериозен страв од изјаснување меѓу поддржувачите и во самата анкета, што може да е индиктор на уште понегативни мислења, но скриени при истражувањето.
Политиката на постојано креирање непријатели не ја одобруваат 42,5 отсто од анкетарините поддржувачи на ВМРО-ДПМНЕ. Тие сметаат дека партијата треба да ја напушти оваа политика која не носи веќе резултати, а 37,5 отсто сметаат дека ВМРО-ДПМНЕ е меѓународно изолирана партија.
Сериозен процент поддржувачи на ВМРО-ДПМНЕ очекуваат некакви внатрепартиски промени. За поголем дел од нив, власта во партијата е сконцентрирана во рацете на мал број луѓе кои имаат преголема моќ за самостојно одлучување.
На прашањето дали се согласувате со предлогот идниот лидер на ВМРО-ДПМНЕ да го избираат сите членови на партијата со тајно гласање од повеќе кандидати – позитивно одговориле 72 отсто. Само една четвртина или 24 отсто не се согласуваат со идејата лидерот да се избира со тајно гласање од повеќе кандидати.

[Image: %5ECE4B98B9C731519E7834788A6E74564CDC74C...istr-1.jpg]

Една третина или 32 отсто од анкетираните членови на ВМРО-ДПМНЕ се согласуваат со барањето во идното раководство на партијата да не може да се кандидираат лица обвинети од СЈО. Со ова не се согласуват 61 отсто.
На прашањето колку ја одобрувате иницијатива на Александар Михајловски и другите членови од таканаречената група реформатори за внатреапартиски реформи, речиси половината од анкетираните или 48,9 отсто целосно или главно ја одобруваат иницијативата за реформи во партијата, а 31,2 отсто одговориле дека воопшто или главно не ја одобруваат.

[Image: %5E4605ED8AADD9FAC4B8FA9B925AD0E5C6ED546..._distr.jpg]

Слични одговори се добиени и на следното прашање за поддршката што тие ја имаат меѓу членството на партијата. На прашањето дали според вас иницијативата за реформа на ВМРО-ДПМНЕ има многу голема поддршка, прилично голема поддршка, прилично мала поддршка или многу мала поддршка меѓу членовите на партијата, речиси двојно повеќе од анкетираните сметаат дека реформаторите имаат поддршка меѓу симпатизерите на ВМРО-ДПМНЕ.

[Image: %5EC798CC2F6A517662375CACE8E95E51FD8F54E..._distr.jpg]

Според резултатите, мнозинството анкетирани не го одобруваат разрешувањето на реформаторите. Мнозинството поддржувачи на партијата не се согласуваат со постапката на актуелното раководство да ги разреши предводниците на иницијативата.
Истражувањето на агенцијата „Рејтинг“ е спроведено на примерок од случајно избрани 1.000 поддржувачи на ВМРО-ДПМНЕ во сите шест изборни единци, по пат на телефонско интервју.

Горазд Росоклија  20.07.2017

Кога наполнив 5 години, на моите дома им соопштив дека на коњ ќе ја грабнам комшиката Жанче.

Така, мојата сексуална ориентација беше утврдена и никогаш после тоа не стана тема за ничии разговор.

Кога станав млад доктор, од оваа дистанца многу млад доктор, мојата школска другарка од прво одделение и драга пријателка до денес, Слободанка(Цобе), вработена во УДБА прекрстена во ДБК, ми вика:

-Моиве на работа ме прашуваат за тебе дали имаш про-бугарска ориентација? Им се изнасмеав во лице и им викам, тој повеќе растеше во Париз отколку во Скопје. Дека има про-француска ориентација можам да помислам, а дали воопшто бил во Бугарија, не сум сигурна.

Што ми вреди другарката и нејзиното мислење за мојата несексуална ориентација кога сме ние мудар народ и имаме мудри поговорки како ,,круша под круша паѓа“, ,,да имаш вујко владика“ и слични.

Јас немав вујко владика но имав вујко славен во Бугарија плукан во Македонија, како што е нормално на Балканот.

Како доктор знаев дека интелигенцијата и дарбите се наследни или можат да се наследат, но демократската удбашка држава секогаш сѐ знае подобро, па и медицина подобро од докторите. Според таа држава, идентична како оваа денес, мислам на оваа во последниве 27 години, и политичките убедувања се наследни.

А го сакав тој мој вујко, го сакам и денес, и бевме блиски, многу блиски, и ми зборуваше многу нешта.

Бидејќи се врати слеп од Голи Оток, а јас бев дете, единствен останат дома, сите други студираа некаде, моите две сестри, Миле неговиот син и Султана неговата ќерка, мои братучеди, а живеевме куќа до куќа, карши ЦК на КПМ, денес Влада, му ги читав Достоевски и Шекспир, дискутиравме за Кориолан, за таткоубиството и слични небитни работи за удбашката држава.

Не знам какви му беа политичките убедувања, но повремено ќе кажеше: ,,Режимите се менуваат, ама тие што ме тепаат во затвор се секогаш истите.“

Кога ,,доброволно“ беше прогнан во Бугарија, од таму, по вујна ми Филимена, ми го прати ракописот на неговото прво дело напишано во изгнанство и последно на македонски јазик, во кое го раскажува својот живот: ,,Мојот монолог“

И кога Слободанка ми зборуваше за интересот на УДБА (ДБК) за мојата несексуална ориентација, мислев идиотиве сакаат да ме дискредитираат како бугарофил. Денес, гледајќи ги нив и нивните наследници сфаќам колку сум бил во заблуда.

Тие уште тогаш барале сојузници во предавството на македонската нација што денес го прават.

Тоа што јас за себе мислев дека сум паметен, го коригирав во Франција, а го искоренив во Америка откако сретнав вистински паметни луѓе.

Тоа што моите учители мислеа дека сум паметен, а тие мои учители навистина беа паметни, ќе ми остане неодговорено.

Што се однесува до УДБА и нејзините прислужници, тие се секогаш еден ист човек, еден ист карактер. Тогаш и денес.

Индивидуалните судбини на луѓето како и на нациите за нив немаат значење се додека жртвувајќи ги, си го исполнуваат посакуваното создадено во нивните болни умови.